Селекторот на Англија, Герет Саутгејт се пожали на пренатрупаниот распоред на фудбалските натпревари. Англија најпрво ја совлада Малта, а потоа и нам ни го нанесе оној историски дебакл од 7:0 во рамките на јунските квалификации. Сепак, Саутгејт најмногу се плашеше од заморот на своите играчи на тие натпревари.

По натпреварите тој ја искористи приликата да го посочи проблемот со пренатрупаниот распоред, а како пример го наведе 37-годишниот капитен на хрватската репрезентација Лука Модриќ.

„Секогаш го користам Лука Модриќ како пример, мислам дека ова беше негов 65. натпревар оваа сезона против Шпанија. Мислам дека играше во девет различни натпреварувања. Имаше Суперкупот на Шпанија, Суперкупот на Европа, Светското клупско првенство, Ла Лига , Лигата на шампионите, Купот на Шпанија, квалификациите за Евро, Светското првенство и Лигата на нации.

Тој сепак одигра пријателски натпревар против Саудиска Арабија пред Светското првенство. Има 37 години и многу го почитувам. Но, исто така, како можеме да имаме играч кој игра девет натпревари во една година? Тоа е сосема бизарно. Сите треба да зборуваме за календарот, во тоа треба да се вклучат УЕФА и ФИФА“, заклучи Саутгејт.