Sunday, April 11, 2021
HomeСветНАТО без одлука за повлекувањето на војниците од Авганистан

НАТО без одлука за повлекувањето на војниците од Авганистан

Генералниот секретар на НАТО Јенс Столтенберг изјави дека за време на вчерашниот виртуелниот состанок Алијансата не донела конечна одлука за тоа дали или кога ќе ги повлече војниците од Авганистан. Средбата се случи во моментот кога администрацијата на Бајден го разгледува договорот меѓу САД и Талибанците за да утврди дали милитантната група ги исполнува своите заложби, вклучително и постигнување примирје и вклучување во значајни преговори со авганистанската влада. Според договорот, сите странски сили треба да го напуштат Авганистан до мај во замена за безбедносни гаранции од милитантната група, како што се раскинување на врските со Ал-Каеда.

И покрај отпочнувањето на мировните разговори меѓу авганистанските и талибанските преговарачи во Катар во септември, насилството во Авганистан се зголеми, што предизвика загриженост за прерано повлекување на трупите на НАТО и потенцијално дозволување на бунтовниците да извојуваат победа. „Во оваа фаза не донесовме конечна одлука за иднината на нашето присуство“, рече Столтенберг по видео состанокот со министрите за одбрана на НАТО. „Како што се приближува крајниот рок од 1 мај, сојузниците на НАТО ќе продолжат тесно да се консултираат и координираат во наредните недели.“

Популарно

- Реклама -spot_img
- Реклама -spot_img
- Реклама - spot_img
- Реклама -spot_img