Saturday, March 6, 2021
Home Македонија Филипче бара одговорност за наводна вакцинација на немедицински персонал во охридската болница

Филипче бара одговорност за наводна вакцинација на немедицински персонал во охридската болница

Министерот за здравство Венко Филипче силно ја осудува злоупотребата и прекршувањето на приориртетите за вакцинирање согласно Националниот план за вакцинација, соопшти вечерва Министерството за здравство. Реакцијата доаѓа по информациите за наводно вакцинирање на немедиционски персонал во охридската Општа болница со вакцина на Фајзер.

Во соопштението се посочува дека ниту едно лице кое не се наоѓа во групата која во моментов има приоритет за вакцинирање, а тоа се само здравствените работници кои работат во ковид-центрите и со ковид-пациенти не смее да се вакцинира.

Листите за вакцинација беа доставени од страна на директорите на секоја здравствена институција и истите уште утре веднаш ќе бидат ревидирани, а оние кои направиле злоупотреби ќе бидат соодветно санкционирани, ја пренесува МЗ изјавата на министерот Филипче.

Популарно

- Реклама -