Friday, August 19, 2022
HomeАвстралијаАвстралиското биро за статистика од наредните пописи во делот за вероисповед на...

Австралиското биро за статистика од наредните пописи во делот за вероисповед на пописницата ќе воведе и избор „Macedonian Orthodox“

Упорноста на Белинда Делиос, австралиска државјанка по потекло Македонка од Егејскиот дел на Македонија, пред Австралиското биро за статистика вроди со плод и донесе успех за Македонската заедница во Австралија!
Белинда Делиос успеа да ги убеди австралистките власти дека за православните Македонци, невалиден е изборот “Greek Orthodox“, туку е потребен е “Macedonian Orthodox“.
Австралиското биро за статистика го прифати барањето на Белинда Делиос, поддржано од повеќе македонски здруженија и заедници во Австралија. Конечната одлука гласи: Од наредниот попис во Австралија, во делот за вероисповед во пописницата, покрај “Greek Orthodox“, ќе има и избор “Macedonian Orthodox“!
По повод оваа победа за македонските човекови права во далечна Австралија, Белинда Делиос вели: “Конечно, добри вести и за Македонците во Австралија, колку само ни се потребни! Пред неколку месеци решив да се посветам за решение, да се исправи една неправда која многу иритираше: Австралискиот попис, посебно, делот за вероисповедта! Нам сите ни е познато, дека прашањето за вероисповедта е неточно! Нашата православна вероисповед во Западниот свет претежно се доживува како грко-православна, а не како православна.
Кај другите религии, како што се католичката, англиканската, еврејската, исламската, хиндуистичката, будистичката, на пример, нема придавка пред нив, како италијанско католичка, малтешко католичка, француско католичка, ниту има опис како кинески будизам, пакистански ислам, унгарско еврејство и така натаму. Сепак, Македонците, Русите, Украинците, Романците, Србите и така натаму, ‘имаа задоволство’ досега да се попишуваат како “грко-православни“, освен ако самите не се попишете во изборот ‘друго’ доколку декларирате различна деноминација од тие наведени во пописницата. Се разбира, таков не е случајот со ниту една од другите наведени религии. Ни една вероисповед нема придавка пред себе.
И затоа, резултатите се неточни и лажни. Грчката заедница во Австралија ги користи тие неточни бројки да добијат наклоност кај владата и повеќе пари за проекти на Грчката заедница, наспроти другите православни заедници. Но, еве ја добата вест! Работев во Комисијата за човекови права на Австралија, одржавме повеќе состаноци, добивме поддршка на барањето и направивме голем исчекор за пописот да го подобриме. Им благодарам на сите прекрасни луѓе кои посветија внимание и разбирање за нашето барање.
Благодарам на Комисијата за човекови права на Австралија која ми излезе во пресрет на барањето. Мојата порака до Македонците во светот е: Никогаш не се откажувајте од остварувањето на вашите права! Нашите мајки и татковци ја напуштија Македонија затоа што беа насилно протерани од своите родни огништа за време на Граѓанската војна 1946-1949 година. Лидерите на Европа, за жал, ги затворија очите пред злосторствата врз Македонците во нивниот двор, етничкото чистење на македонските деца во 1948 година остана отврено прашање до денес…
Повеќето од нив толку мали, дури и своите имиња не ги знаеја, а станува збор за 48.000 илјади деца Македонци насилно протерани од своите домови. Не ја заборавајте борбата на нашите предци… ниту борбата на Македонците денес, пред очите на правдата на Европа, НАТО, САД и Обединетото Кралство кои, за жал, го анулираат постоењето на Македонскиот народ. Зло! На здравје на сите вам, додека ја кревам чашата домашно рујно вино за победата која ја остваривме пред Австралиското биро за статистика“, – се вели на крајот од изјавата на Белинда Делиос.
На наредните пописи во Австралија во делот за вероисповед на пописницата ќе има посебен избор “Macedonian Orthodox“ што ќе овозможи да се добиваат поточни резултати за вероисповедта на Македонците во Австралија. Конечно се оствари долгогодишната желба за елиминација на една состојба која православните “ги прави“ Грци, а тоа не се!
Светскиот Македонски Конгрес упатува искрени честитки за упорноста на Белинда Делиос и Македонската заедница во Австралија, за одлуката на Австралиското биро за статистика, од наредниот попис во делот за вероисповед во пописницата да има и посебен избор “Macedonian Orthodox“ за Македонците православни! Амин!
- Advertisment -spot_img

Популарно

spot_img
- Реклама -spot_img
- Реклама - spot_img
- Реклама - spot_img
- Реклама -spot_img
spot_img
spot_img
spot_img
spot_img
spot_img
spot_img