Бартомеу ја „лаже“ јавноста: Потписот на Меси го нема, а договорот е невалиден?!

Oд изјавите кои наговестуваат дека Лео Меси наскоро ќе потпише нов договор со каталонскиот клуб, некогашниот кандидат за претседател на овој клуб, Агусти Бенедито смета дека Бартомеу „манипулира јавноста“..

Инаку, Бенедито е еден од најгласните заговорници за смена на Бартомеу по изминатата лоша сезона и преодниот рок во кој Каталонците останаа без Нејмар.

Бартомеу порано истакнуваше дека е потребна само фотографија од официјалното потпишување на новиот договор на Меси, со оглед на тоа дека неговиот татко и менаџер, веќе го стави потписот со Барселона. Сепак, истакнува дека причината за одолговлекувањето на преговорите со Меси е токму Бартомеу, па се уште не се знае, кога, ако воопшто Аргентинецот ќе ја продолжи соработката со Барселона.

„Бартомеу истакна дека договорот е потпишан и дека се преостанати само некои формалности. Но, тој договор, без потписот на Лео не е валиден. Дури иако неговиот татко го потпишал, потребен е потпис од играчот. Можно е присуството на Бартомеу да е препрека за продолжување. Се надевам дека претседателот сепак искрено се ќе објасни. Ова не би било првпат да ја лаже јавноста“, истакна Бенедито за ЕСПН.



Copyright 2017 Falanga Сите права се задржани.
Текстот не смее да се печати или емитува, во целина или во делови без договор со Falanga.




Scroll To Top