Борисов по Самитот ЕУ-Западен Балкан: „Што треба да кажам, дека на крајот и ние сме Македонци?“

Неговата, како што вели, најпријателска порака е Македонија да остане на патот..

Бугарскиот премиер Бојко Борисов, на прес конференцијата по самитот ЕУ-Западен Балкан порача дека цврсто ја подржуваат Македонија на патот кон ЕУ, но сепак цврсто стојат на ставот дека нема отстапки од договорот за добрососедство.

Борисов потврдил дека го поддржува ветувањето на ЕУ кон Западен Балкан за соработка и помош, но додал дека слушнал недозволливи изјави.

Особено, како што вели, го боли што Бугарија се нарекува фашистичка држава и дека не ги спасила Македонците, туку само бугарските евреи. Ваквиот одоговор на Борисов доаѓа по изјавата на претседателот Пендаровски дека ако услов е да се откажеме од јазикот и нацијата тогаш не ни треба Европска унија. Но, тука секако е и спорот со тоа чиј е Гоце Делчев.

„Ние први ги поддржавме за НАТО. За што не сме ги поддржале. Што треба да правиме, да излеземе и на крајот да кажеме дека сме Македонци? Ние завршивме работа, ги почитуваме и би им дал најбратски совет да не си поставуваат самите невозможни услови“, истакнува Борисов.


Copyright 2019 Falanga Сите права се задржани.
Текстот не смее да се печати или емитува, во целина или во делови без договор со Falanga.



Scroll To Top