Димовски и препорача на Владата како да одлучи кој од министрите да „шутне“

Координаторот на пратеничка група на ВМРО-ДПМНЕ, Илија Димовски, на денешната собраниска седница по однос на одлуката за прераспределба на средства меѓу буџетски корисници и порача на Владата да ја земе во предвид оваа одлука.

Според него прераспределбата во буџетот за 2017 година ги покажува слабостите при планирање и реализација на средствата.

-Оваа одлука претставува дијагноза на вашето работење. Очигледно не сте подготвени да бидете власт. Ви препорачувам најдобронамерно да ја земете во предвид одлуката при решавањето кој од министрите да си оди – рече Димовски.

Тој додаде дека со прераспределбата, Владата крати од ставката наменети средства за спортски објекти, за реконструкција на студентски домови и за реализирање на ветена канализација.

Со одлуката се предвидуваат повеќе средства за исплата на фактури и заостанати долгови при изградба на објекти од проектот „Скопје 2014“. За долговите од изградба на Македонска филхарномија се предвидени 15 милиони евра.



Copyright 2017 Falanga Сите права се задржани.
Текстот не смее да се печати или емитува, во целина или во делови без договор со Falanga.




Scroll To Top