Холандскиот парламент ја отфрли резолуцијата да бидат блокирани преговорите на Македонија со ЕУ

Резолуцијата бара да не се отворат преговорите со Тирана во 2019-та година пред сѐ поради недоволен прогрес во делот на борбата против организираниот криминал и корупцијата..

оландскиот парламент синоќа се изјасни против отворањето на преговорите со ЕУ за Албанија, но ја отфрли истата резолуција што се однесува на Северна Македонија.

Парламентот во Холандија вчера гласаше за четири резолуции поврзани за проширувањето на ЕУ, но само таа против Албанија доби мнозинство гласови, вклучително и од владејачките партии, со 105 гласа од вкупно 150 пратеници во парламентот.

Резолуцијата бара да не се отворат преговорите со Тирана во 2019-та година пред сѐ поради недоволен прогрес во делот на борбата против организираниот криминал и корупцијата.

Холандската влада го дели ова мислење. Според нивниот министер за надворешни работи, Стеф Блок, отворањето пристапни преговори со Албанија е избрзана одлука.

Резолуцијата за Северна Македонија преку која неколку холандски пратеници бараа исто така да се блокираат преговори со нашата земја беше отфрлена од мнозинството во холандскиот парламент.


Copyright 2019 Falanga Сите права се задржани.
Текстот не смее да се печати или емитува, во целина или во делови без договор со Falanga.



Scroll To Top