ХОРОР: Погледнете што сонцето прави со кожата на овие луѓе

Ако ништо не се преземе за заштита од сонце, тие со тек на времето се претвораат во тумори кои ја “јадат“ кожата..

Во бразилското село Арарас, каде што населението живее од земјоделство и неизбежно поминува многу време надвор, на сонце, надпросечен број на селани боледуваат од генетска болест позната како "xeroderma pigmentosum" (XP), која ги прави необично чувствителни на сончевото ултравиолетово зрачење.

ВНИМАНИЕ! Ве предупредуваме дека текстот содржи опис и фотографии кои може да бидат вознемирувачки!

Заболувањето ги прави селаните подложни на тумори и карциноми кои со тек на времето им ја “јадат“ кожата и им го уништуваат лицето, така што тиe изгледаат како да се „стопиле“ на сонцето.

Ако сакаат подолго да живеат во добро здравје, единствено решение за нив би било што повеќе да избегнуваат сонце и денот да го заменат со ноќ, што за земјоделската заедница во тропската клима на Арарас е практично невозможно.
За состојбата да биде уште полоша, во оваа релативно мала заедница, ретката болест е надпросечно застапена – од неа боледуваат 20 од 800 жители, што значи секој 40-ти, додека во САД “погодува“ еден од милион жители.

Таквата состојба е последица од фактот дека сите жители од селото се потомци од само неколку семејства, во кои имало повеќе заболени, така што болеста се размножила благодарение на меѓусебните бракови. Децата чиишто родители пателе од болеста постојат големи шанси да се појави и кај нив.

Условите за живот во селото, каде што сите се често надвор, а сонцето е силно, знаците на болеста се појавиле уште пред десет години, во вид на густи пеги и мали дамки по кожата. Ако ништо не се преземе за заштита од сонце, тие со тек на времето се претвораат во тумори кои ја “јадат“ кожата.

Токму тоа му се случуло на Џалми Антониј Жадрим (38), кој имал над 50 операции поради отстранување на тумор. Голем дел од лицето му надоместува и штити маска од портокалов силикон. Тој практично е веќе инвалид...не смее да работи во поле, а околу идејата да излезе на сонце, може да заборави. Скромно живее од инвалидска пензија и од својата мала сладоледчилница, но вели дека е задоволен што конечно знае што му е и знае како да се заштити и лечи.

Докторите долго време не знаеле што ја предизвикува болеста кај жителите на ова село, за кое записите говорат дека е во истиот облик како што било пред 100 години. Прво твреле дека е во прашање заболена крв, потоа дека се работи за кожна болест, за дури во 2010-та година да ја постават правилната дијагноза.
Сега, кога знаат дека болеста е генетска и дека меѓу нив е надпросечно застапена, луѓето во селото се трудат да ги заштитат своите деца. Ако не се преселат некаде каде што сонцето помалку пече и не го заменат земјоделството со друга работа ќе биде практично невозможно да се спасат од болеста на своите предци.


Copyright 2019 Falanga Сите права се задржани.
Текстот не смее да се печати или емитува, во целина или во делови без договор со Falanga.



Scroll To Top