Иницијативата за помилувањето пред Уставен била поднесена пред три години

Адвокатот Зоран Стојановски иницијативата ја поднел пред три години. Стојановски за ТВ24 вели дека немал политички мотиви, а единствена цел за иницијативата била заштита на уставноста..

Иницијативата до Уставниот суд за оценка на уставноста на членот 11-а од Законот за дополнување на Законот за помилување од 2016 година адвокатот Зоран Стојановски ја поднел пред три години.

Стојановски за ТВ24 вели дека немал политички мотиви, а единствена цел за иницијативата била заштита на уставноста.

– Целта како и на секоја друга иницијатива пред Уставен суд е зачувување на уставноста и законитоста, нема друга цел. Политичките анализи се предмет на работа на политички партии, ова е само уставно-судска работа. Нема допирна точка со политика од аспект на тоа како што сака да се прикаже  вели Стојановски.

Иницијативата ја поднел пред три години, но тој не сака да коментира зошто сега се става на дневен ред.

– Моето мислење во врска со иницијатвата за Законот за помилување и за Законот за одликувања и признанија е дека задолжително треба да биде усвоена и да бидат поништени и едниот и другиот закон. Тоа е моето очекување – вели Стојановски.


Copyright 2019 Falanga Сите права се задржани.
Текстот не смее да се печати или емитува, во целина или во делови без договор со Falanga.



Scroll To Top