Ивановски ги повика МАН и ЗНМ за заедно да ги договорат подзаконските акти на законите за медиуми

Ивановски не прецизира дали ќе има промени кај законот за медиуми.

Министерот за информатичко општество и администрација, Иво Ивановски, ги повика Македонската асоцијација на новинари (МАН) и Здружението на новинари (ЗНМ) заедно да ги договорат подзаконските акти за законите за медиуми и за аудиовизуелни медиумски услуги.

- Во повеќе наврати сме упатиле порака до Здружението на новинари на Македонија  да седнеме на маса да се договроиме. Апелирам до двете асоцијации  и до Македонската асоцијација на новинари и до Здружението на новинари, да седнеме, да ги договориме подзаконските акти од законите за медиуми и за аудиовизуелни медиумски услуги, бидејќи токму тие се многу битни во спроведување на терен на која било легислатива - изјави денеска Ивановски.

Ивановски, кој учествува на меѓународната конференција за човечки ресурси, не прецизира дали ќе има промени кај законот за медиуми, којшто, како што рече, е во напредна фаза во Собранието.



Copyright 2019 Falanga Сите права се задржани.
Текстот не смее да се печати или емитува, во целина или во делови без договор со Falanga.



Scroll To Top