Кој ќе го промени името нема да стигне ниту до границата при обидот за бегство од државата

Поминаа два дена од јавната осуда на Единствена Македонија за целосното обезличување на македонскиот народ, договорено во Давос, Швајцарија меѓу Алексис Ципрас и Зоран Заев..

Меѓутоа, од македонската влада и натаму молк, иако потврдата дојде и од грчкиот министер Коѕијас со неговото признание за решение за името според договорот од Давос кое опфаќа седум точки: промена на името, идентитетот, јазикот, трговската употреба, акронимите и знаците, промена на уставот, пасошите и личните карти...

Го потсетуваме Заев дека нема мандат од македонскиот народ за негово обезличување и дека спорот за името не е прашање на една влада или на една партија, туку на македонскиот народ.

Оттука, Единствена Македонија го повикува Заев да не се плаши од македонскиот народ и да каже што договорил во Давос со грчкиот премиер Ципрас.

Ова од причина што, Единствена Македонија располага со сознанија дека било кој од политичките елити и пошироките општествени фактори во Македонија се согласи на промена на вековното македонско име, во такво случај нема да успеат да стигнат ниту до државната граница при нивниот обид за бегство од Република Македонија.

Единствена Македонија ја користи приликата најдобронамерно да го посоветува Заев да не наседнува на ефтини трикови од одредени експертски и професорски кругови во земјата за промена на името а кое нешто ќе се заборавело по два-три месеци.

ndm.org.mk


Copyright 2017 Falanga Сите права се задржани.
Текстот не смее да се печати или емитува, во целина или во делови без договор со Falanga.




Scroll To Top