Колинда: Го осудувам насилството на Србите, но не е се етнички мотивирано

Засега хрватската претседателка не зборуваше за нападот во Книн, поради што таа се најде под критики во самата Хрватска..

Хрватската претседателка Колинда Грабар Китаровиќ изјави за неодамнешните напади врз Срби кај Книн дека ги осудува и секогаш ќе го осудува насилството, но и „дека не секој инцидент што се случува меѓу хрватските граѓани од различни националности може да се оквалификува приоритетно како етнички инцидент, односно етнички мотивирано насилство “.

– Нема да дозволам тоа да се направи во Хрватска, затоа што е многу засрамувачко и неодговорно кога политичарите ќе започнат да ги коментираат и обележуваат овие инциденти со запоставување или на вистинските факти утврдени со официјалната истрага или дури и не се грижат за овие факти – изјави Китаровиќ за ХРТ за прв пат коментирајќи ги нападите што се случија пред околу десетина дена.                     

Според неа, тоа е многу опасно затоа што предизвикува нова спирала на насилство, нетолеранција и инциденти.

„Нема да дозволам ваков вид политичка неодговорност“, рече Китаровиќ во интервјуто.


Copyright 2019 Falanga Сите права се задржани.
Текстот не смее да се печати или емитува, во целина или во делови без договор со Falanga.



Scroll To Top