Корона вирусот стана кошмар за луѓето

Новиот корона вирус на луѓето буквално им стана кошмар, покажуваат резултатите од финското истражување за сонот..

Тие им ги раскажале своите соништа на научниците од Универзитетот во Хелсинки за време на карантинот, што беше воведен поради пандемијата во првиот дел од годината.

Соништата за изгубени пасоши, затворени граници, за голем број луѓе во мали простории и за смртта се повторувале во изјавите на волонтерите.

Луѓето кои сонувале ракување и прегратки тоа го доживеале како кршење на правилото за физичка дистанца.

– Соништата обично се приватна работа, но кога опкружувањето брзо ќе се смени за кратко време, изгледа многумина имале исти асоцијации, изјави авторката на студијата, прсихологот Ану-Катарина Песонен.

Една четвртина од учесниците во истражувањето пријавиле почести кошмари отколку пред пандемијата, а една третина од нив почесто се будела во текот на ноќта. Но, повеќе од половината волонтери спиеле повеќе од вообичаеното, делумно поради тоа што работеле од дома.


Copyright 2019 Falanga Сите права се задржани.
Текстот не смее да се печати или емитува, во целина или во делови без договор со Falanga.



Scroll To Top