Лековитата моќ на смоквата

Богатиот хемиски состав условува високата хранлива вредност на ова овошје.

За татковина на смоквата се смета југозападна Мала Азија, но таа има индустриско значење во земјите околу Медитеранот и во други земји со блага клима. Смоквата успева добро само во јужните и топли области. Плодовите од неа се употребуваат во свежа и преработена состојба. Погодни се и за сушење.

Богатиот хемиски состав условува високата хранлива вредност на ова овошје. Тие се ценат како диетално и лековито средство, за регулирање на активностите на дигестивниот систем и при кардиоваскуларни заболувања. 

Листовите од смоква се препорачуваат при дијареа, дизентерија, кашлица, болки во стомакот и цревата. Надворешно се користи за нанесување на рани и чиреви на кожата, против првут, исто така, го чисти и заздравува епидермисот, потоа служи за гаргара – при забоболка и болно грло.

Начин на употреба

Во форма на напивка – 1 лажица сецкани листови се варат 1-2 мин во една чаша вода и се оставаат да отстојат 30 мин. Се пие 3 пати на ден по 1 чаша. Една лажица од истата напивка, измешана со половина лажичка маслиново масло е многу добро средство против нервни грчеви.

Против првут се користи истата напивка, само што уште на почетокот пред да зоврие, кон водата се додава 1/2 лажичка морска сол и 1 лажица вински оцет. Се нанесува во коренот на косата.



Copyright 2017 Falanga Сите права се задржани.
Текстот не смее да се печати или емитува, во целина или во делови без договор со Falanga.




Scroll To Top