Македонија ќе изготви извештај за емисијата на стакленичките гасови

Проектот е вреден 430 илјади долари.

Министерството за животна средина и просторно планирање и УНДП денеска потпишаа договор за партнерство за изготвување на Првиот национален двегодишен  извештај, кој ќе содржи информации за емисиите на стакленички гасови од Македонија.

Договорот го потпишаа министерот за животна средина и просторно планирање Абдилаќим Адеми и вршителот на должноста постојан претставник на УНДП, Алесандро Фракасети.

Извештајот треба да послужи како основа за креирање на соодветни политики за успешно намалување на последиците од климатските промени. Документот ќе ги обнови податоците на националната база на емисии на стакленички гасови и ќе  постави основа за воведување систем за мониторирање, известување и верификација на емисиите. Ќе се развијат и критериуми за  поставување на приоритетни мерки за ублажување на климатските промени.

Проектот на Министерството за животна средина и просторно планирање и на УНДП за изработка на извештајот е вреден 430 илјади долари кои се обезбедени од Глобалниот еколошки фонд.

Ваков документ до крајот на следната година треба да изготват сите земји потписнички на Конвенцијата на Обединетите нации за климатски промени.



Copyright 2019 Falanga Сите права се задржани.
Текстот не смее да се печати или емитува, во целина или во делови без договор со Falanga.



Scroll To Top