МАЛСТРОМ: ЕУ ДА БИДЕ ИСКЛУЧЕНА ОД НОВИТЕ ЦАРИНИ ОД САД

Европската унија треба да биде исклучена од воведувањето нови царини од САД за челик и за алуминиум, изјави синоќа Сесилија Малстром, еврокомесар за трговија..

– Ќе бараме повеќе детали за тоа прашање во следните денови, изјави таа.

Според неа, ЕУ е близок сојузник на САД. Малстром додаде дека в сабота ќе има средба со постојаниот трговски претставник на САД Роберт Лајтхајзер.

Пред неколку дена, советникот за трговија на Белата куќа, Питер Наваро изјави дека претседателот на САД Доналд Трамп не планира да изземе која било земја од строгите цени кои ги воведува за увоз на челик и алуминиум

Трамп минатиот четврток донесе одлука за воведување такси од 25, односно 10 отсто за увоз на челик и алуминиум, што предизвика вознемиреност кај сојузниците на САД и најави евентуален почеток на трговска војна.

Иако тоа се однесува главно на Кина, цените ќе опфатат и значителен дел на увозот од Канада, Мексико, Јужна Кореја, Јапонија и Европската унија.



Copyright 2017 Falanga Сите права се задржани.
Текстот не смее да се печати или емитува, во целина или во делови без договор со Falanga.




Scroll To Top