Официјално почна кампањата за референдумот за независност на Каталонија

Регионалните власти во Барселона го закажаа референмдумот за неависност на Каталонија за 1 октомври..

Во шпанскиот автономен регион Каталонија синоќа официјално започна кампањата за референдумот за независност на областа, со голем митинг во градот Тарагона на кој присуствуваше и претседателот на каталонската Влада, Карлес Пучдемон.

Регионалните власти во Барселона го закажаа референмдумот за неависност на Каталонија за 1 октомври, но ваквата одлука шпанската Влада ја погласи за илегална, по што Уставниот суд на Шпанија нареди замрзнување на решението за одржување на плебисцитот се до неговото конечно изјаснување околу уставноста на целата постапка.

Централните власти и наредија на полицијата да ги оневозможува подготовките за одржување на референдумот, а шпанското Јавно обвинителство се закани со казнени мерки против сите кои ќе учествуваа во организацијата на изјаснувањето.

Градските власти на Барселона, од своја страна, објавија дека сите жители на градот ќе можат слободно да гласаат на референдумот и најавија преземање мерки за заштита на државните службеници од казнени постапки, поради нивно учество во подготовките за референдумското изјаснување.  



Copyright 2017 Falanga Сите права се задржани.
Текстот не смее да се печати или емитува, во целина или во делови без договор со Falanga.




Scroll To Top