Падна најскапиот светски договор - Реал ќе инкасира 280 милиони евра

Реал Мадрид резултатски лошо ја почна новата сезона во Ла Лига, но на финансиски план работи одлично..

Седумте бода негатива во однос на Барселона брзо се заборавени во клубот откако раководството потпиша нов договор со авио компанијата Флај Емирејтс чие лого ќе стои на белите дресови до 2022 година. Договорот е со важност од идното лето, а за четири сезони Реал ќе заработи вкупно 280 милиони евра или по 70 годишно.

Ова е најголем договор во историјата на фудбалските спонзорства. Реал ги надмина Манчестер Јунајтед кој од Шевролет инкасира 62 и Барселона со 55 милиони евра од Ракутен и повторно застана на чело според приходите од оваа ставка.



Copyright 2017 Falanga Сите права се задржани.
Текстот не смее да се печати или емитува, во целина или во делови без договор со Falanga.




Scroll To Top