ПОДЕЛБИ ВО ЕУ: По Полска и Чешка застана во одбрана на Унгарија

Откако тоа го направи Полска и Чешка најави дека ќе се спротвстави на изгласаните санкции во Европарламентот против Унгарија..

Како што веќе објавивме, вчера, Европарламентот изгласа санкции против Унгарија, заради „континуирано кршење на демократските закони“.

– Секоја земја има суверено право да спроведува внатрешни реформи кои ги смета за адекватни, соопшти Министерството за надворешни работи на Полска.

Акциите против држави – членки е со цел само да се продлабочи поделбата во ЕУ и да се зголеми веќе постоечката недоверба на граѓаните во европските институции, се наведува од Варшава.

Чешкиот премиер Андреј Бабиш изјави дека неговата Влада го поддржува унгарскиот премиер Виктор Орбан.

– Овој апсурд предизвикува само негативни емоции во Европската унија. Наместо поврзувања, тука е политиката. Значи, го поддржувам Орбан. Ние сме сојузници, изјави Бабиш за порталот Парламентни Листи.

Чешка и Полска се дел од Вишеградската група, заедно со Словачка и Унгарија.


Copyright 2017 Falanga Сите права се задржани.
Текстот не смее да се печати или емитува, во целина или во делови без договор со Falanga.




Scroll To Top