САД запленија најголема испорака на дрога наменета за Австралија

Американските власти запленија речиси една милијарда долари вреден метамфетамин, наменет за австралиски пазар, соопшти австралиската полиција по заедничка операција, пренесе Би-би-си..

Американците заплениле околу 1,7 тони метамфетамин во Калифорнија. Со метамфетаминот, во мали количини имало и хероин и кокаин.

Проценетата улична вредност на дрогата е 1,29 милијарди австралиски долари или 911 милиони американски долари, што воедно е и најголема запленета испорака досега наменета за Австралија.

Полицијата уапсила шестмина во државите Викторија и Нов Јужен Велс, за кои се верува дека се вмешани во испораката. 

И канадските служби исто така се обидувале да ја разбијат наведената меѓународна криминална организација, па извршиле претрес во Бернаби во Британска Колумбија.


Copyright 2017 Falanga Сите права се задржани.
Текстот не смее да се печати или емитува, во целина или во делови без договор со Falanga.



Scroll To Top