СДСМ: Дурловски ќе гради пат врз веќе изграден пат

СДСМ реагираше денес на кампањата на кандидатот за пратеник на ВМРО-ДПМНЕ Игор Дурловски прашувајќи го – каде ќе гради пат, таму каде што СДСМ веќе изградија?.

-Дурловски претендира да ги претставува жителите на својот роден град Битола а притоа  не ја познава основата на својата таканаречена програма. Што точно Дурловски сака да гради? Пат врз постоечкиот пат? Патишта кои ние за само три кратки години ги изградивме и рехабилитиравме? Од што ќе ги градиш Дурловски овие фиктивни патишта? Од провизијата од 200.000 евра за упад во собранието и обид за убиство на пратеници?-стои во реакцијата на СДСМ.

 Тие го потсетуваат притоа Дурловски што се е изградено во изборната единоца каде што тој претендира да биде избран за пратеник.

-Изградивме и рехабилитиравме 7 патни правци, во должина од 38 километри, во вредност од 4,322,601 евра.(Битола –Новици, Обиколница на Битола, Р1101 Кл. Крклино-Влез Битола-Братин Дол, Лозани-Вашерејца, Бистрица – Драгош, Скочивар-Коњарка, Битола-Демир Хисар).Тампонирање на улици во с.Кишава, уредување на улици и пат до црквата во с.Драгарино, Кикуречани, Раштани, Крклино, Драгарино; Санација и реновирање на улиците во с.Поешево, Логоварди; санирање на полски патишта во с.Габалавци; осветлување и асфалтирање на улиците во Г.Оризари.

Реконструкција на 14 улици во АРМ 1 и АРМ 2 во вредност од 155,000,000 денари. Асфалтирање на улица „Широка“ во вредност од 3,300,000 денари. Асфалтирана улица Леринска во вредност од 2,500,000 денари. Реконструкција на дел од “ – нов коловоз и водовод и канализација со вкупна вредност од 3,397,444 денари.Имаме и 43 проекти во тек (поплочување на пешачки патеки, сообраќајна сигнализација, тротоари, реконструкција и поправки на улични коловози, мостови и полски патишта во рурални средини), стои во реакцијата на владеечката партија.


Copyright 2019 Falanga Сите права се задржани.
Текстот не смее да се печати или емитува, во целина или во делови без договор со Falanga.



Scroll To Top