СДСМ: Мицкоски брани криминал, нелегалната аболиција на Иванов мора да се затвори

Соопштение на владеачката СДСМ..

СДСМ се бори правдата да биде задоволена, граѓаните очекуваат правда, само за Христијан Мицкоски правдата е нејасна или е грешка, велат од Социјалдемократскиот сојуз на Македонија преку соопштение.

„Сè е јасно, нелегалната аболиција на Иванов мора да се затвори и да се обезбеди одговорност пред законите за сите што ги прекршиле. Во името на заштитата на правдата СДСМ ги повика сите пратеници од сите парламентарни партии, пред сè, пратениците од ВМРО-ДПМНЕ, да го поддржат барањето за автентично толкување на членот 11 од Законот за помилувањето. Мицкоски треба да ги повика пратениците од ВМРО-ДПМНЕ да го поддржат барањето на СДСМ за да се затвори нелегалната аболиција. Потоа може да се дискутира и за други предлози“, велат од СДСМ.

Социјалдемократите оценуваат дека последните скандалозни случувања во правосудството јасно покажуваат дека и зад најавите од Уставниот суд стојат структури на ВМРО-ДПМНЕ“.


Copyright 2019 Falanga Сите права се задржани.
Текстот не смее да се печати или емитува, во целина или во делови без договор со Falanga.



Scroll To Top