Соработката за евроинтеграциите на МВР на Северна Македонија и Црна Гора на владина седница

Предлог – законот за ратификација на Спогодбата меѓу Владата на Република Северна Македонија и Советот на министри на Република Албанија за основање Културно-информативни центри во двете земји е на дневниот ред на денешната редовна 136-та седница Владата..

Пред министрите на седницата ќе се најде и информацијата во врска со усогласениот текст на Протоколот меѓу Министерството за внатрешни работи на Република Северна Македонија и Министерството за внатрешни работи на Црна Гора за соработка во областа на европските интеграции.

Владата, како што е најавено, ќе ја разгледа и информацијата за приклучување на Република Северна Македонија кон иницијативата за перформанси на примарна здравствена заштита.

Од владината прес-служба соопштуваат дека министрите на денешната седница ќе дискутираат и за потребата од донесување на Национална програма за железничка инфраструктура за период од 2019 до 2021 година, со Предлог – Национална програма.


Copyright 2019 Falanga Сите права се задржани.
Текстот не смее да се печати или емитува, во целина или во делови без договор со Falanga.



Scroll To Top