Туомиоја: Македонија треба да ги почне преговорите со ЕУ

Финска секогаш отворено го поддржува проширувањето на Европската унија и е подготвена по петти пат да ја поддржи препораката за почнување преговори со Република Македонија, истакна во Скопје финскиот министер за надворешни работи Ерки Туомиоја на заедничка.

- Сите знаеме на кои прашања во преговорите ќе треба да се фокусираме, а тоа се демократијата, слободата на медиумите. Тука сме за помош, а не за критика, истакна Туомиоја.

Во однос на можна помош во надминување на спорот со Грција, шефот на финската дипломатија со став дека секогаш е најдобро страните сами да изнајдат решение бидејќи никој нема корист од тоа што проблемот останува.

Попоски подвлече дека Грција не успеа да убеди никого оти сака напредок во евроинтеграциите на Македонија. Во контекст на претстојното грчко преземање на претседавањето со ЕУ, македонскиот министер за надворешни работи очекува Грција пред се да го докаже декларираното лидерство во регионот и да се држи до Солунската агенда.

- Единствено нешто што го видовме во овој период е или избегнување на дијалог или каков било напредок. Единственото што беше презентирано од нивна страна во досегашните разговори беше настапот со премногу лоши предлози да се креира перцепција со која многу лош предлог би изгледал одличен. Но, она што ни е потребно е да се покаже одредено лидерство во регионот и да се потврди Солунската агенда во 2014 да се овозможи напредок во делот со отпочнување преговори до Македонија. Тоа би бил најважниот заклучок кој би можеле да го извлечат нашите грчки соседи во овој контекст, рече Попоски.

Во однос на заштитната мерка усвоена неодамна од Европскиот парламент за можно враќање на визите, финскиот министер Туомиоја истакна дека станува збор за превентивна мерка донесена од политички причини и се надева дека никогаш нема да биде применета.

И министерот Попоски дециден дека рестрикциите не се пат за интеграција на регионот.


Copyright 2019 Falanga Сите права се задржани.
Текстот не смее да се печати или емитува, во целина или во делови без договор со Falanga.



Scroll To Top