(ВИДЕО) Ицо Најдовски од Мелбурн гостуваше во емисијата „Само Вистина“ на Канал 5

Ицо Најдовски продолжува да гостува во Македонските медиуми..

Д-р Ицо Надјовски, историчар и долгогодишен активист за правата на Македонците гостуваше во емисијата „Само Вистина“ на Канал 5 телевизија каде што го изнесе својот став и мислење околу референдумот што претстои за промена на името на Република Македонија во Република Северна Македонија, како и за договорот со Бугарија.

Ицо Најдовски се обиде со едноставен пример на Зоран Иванов да му докаже дека со промената на името се менува и идентитетот, имено тој само наместо Зоран го именува како Ѓорге Иванов на што тој веднаш бурно реагираше со реакција дека не е Ѓорге туку Зоран.

Со историски факти се обиде да му се спротистави на соговорникот Зоран Иванов и да докаже дека Бугарскиот договор е штетен за Македонскиот народ и дека ние никогаш не можеме да имаме иста историја со Бугарите, ниту пак Бугарите да го преземаат Илинденското востание како нивно востание затоа што според него ниту еден бугарски бојник не учествувал во истото.

Според Ицо Најдовски не е потребно некој од надвор да ни кажува што да правиме туку треба да се промени менталитетот на оние кои се на власт и кои ја водат државата и националната светст да се крене на повисоко ниво како на пример кај Албанците.

Ицо Најдовски исто така ја осуди и работата на владата која што веќе година и пол се занимава со промена на името и заборави за ветувања кон граѓаните за подобра иднина и подобро функционирање на иституциите судството, полицијата итн...

Тој направи паралела и рече дека Австралијанците за 200 години успеале да створат Австралиска нација, а ние сеуште се бориме и не успеваме да создадеме наша нација.



Copyright 2017 Falanga Сите права се задржани.
Текстот не смее да се печати или емитува, во целина или во делови без договор со Falanga.




Scroll To Top