(ВИДЕО) Стефан Ѓоргиевски и Аце Петровски во „САМО ВИСТИНА“

„САМО ВИСТИНА“ Дијаспората не прифаќа друго освен Република Македонија.

Ние не сакаме и не можеме да се мешаме во внатрешната политика на Македонија, но кога станува збор за македонското име и мекадонскиот идентитет, имаме право да дискутираме. Ова во вечерашната „Само вистина“ го изјавија Стефан Ѓорѓиевски Поешевски, од Мелбурн и Аце Петровски, претседател на КУД Никола Карев, исто така од Мелбурн.

– 40 години посветив да ги учам децата македонски фолклор и затоа имам право да дискутирам кога се зборува за македонскиот идентитет – вели Петровски.

Според нив, не смее да се прифати друго име освен Република Македонија.

– Илинден е за нас свет, но нема логика зошто да се прифати Илинденска
Македонија – вели Ѓорѓиевски Поешевски.

И двајцата во „Само вистина“ говореа за она што и е потребно на дијаспората во Австралија за полесна комуникација со матичната земја, но и за тоа зошто дијаспората покажа многу мал одѕив на изборите во 2011 и 2014 година а се потрошија околу 3 милиони евра.

Стефан Ѓорѓиевски Поешевски и Аце Петровски информираа дека Македонците во Австралија не биле задоволни од предлозите за пратеник, кога би бил тој предлог на наш избор а не да ни го бира СДСМ или ВМРО-ДПМНЕ тогаш ние би гласале повеќе, велат.

И двајцата порачаа дека дијаспората е против менување на уставното име, реагираат што министерот за дијаспора Адеми не отишол да ги посети и очекуваат дека со Законот за дијаспора и со Стратегијата за дијаспора 2018-2023 година дека ќе им биде полесно да ги артикулираат нивните потреби и барања. Рекоа дека околу стотина Македонци од Австралија сакаат да инвестираат во Македонија и дека треба отвореност на владата и институциите за да ги привлече.

Повеќе гледајте во видеото на „Само вистина“:



Copyright 2017 Falanga Сите права се задржани.
Текстот не смее да се печати или емитува, во целина или во делови без договор со Falanga.




Scroll To Top