ВМРО ДПМНЕ: СДСМ нема направено ништо за студентските домови – тие се руина

Соопштение на ВМРО-ДПМНЕ..

Студентските домови во Република Македонија се наликуваат на руина. Сликите кои ги објавија медиумите, од кои се гледаат уништени тоалети се доказ дека власта две години нема направено ништо.  Заев и Каевски ветуваа студентски град, со модерни услови за престој, но две години после тоа нема ништо од најавеното. Студентските домови се во катастрофална состојба, а храната е слаба, се вели во соопштението од ВМРО ДПМНЕ.

СДСМ нема направено ништо за студентските домови. Две години власта потроши 7 милијарди евра буџет, а притоа не направи ништо за студентите. Каде отидоа 7 милијарди евра пари на граѓаните?

Наместо да се купуваат фотељи од телешка кожа и пенкала со циркони власта може да инвестира во нови студентски домови. Наместо да се вработуваат синови и ќерки на функционери, власта може да купи подобра храна за студентските мензи.

Ниското ниво на реализација на капитални инвестиции на власта се должи и на безидејноста. Инвестициите во студентските домови запреа со заминувањето на ВМРО- ДПМНЕ од власт.

Две години студентите мака мачат да преживеат во домовите во Скопје, но и другите градови низ државата.

Негрижата мора да запре. Младите очекуваат промени, се вели во соопштението од ВМРО ДПМНЕ.


Copyright 2019 Falanga Сите права се задржани.
Текстот не смее да се печати или емитува, во целина или во делови без договор со Falanga.



Scroll To Top