ВМРО-ДПМНЕ: СДСМ тотално потфрли на економски план

СДСМ докажа дека не се способни и не знаат како да креираат добра бизнис клима. Ги урнаа сите економски индикатори, а единствено раст донесоа кај даноците и корупцијата, се вели во денешното соопштение на ВМРО-ДПМНЕ..

„Лошите економски политики на власта ги доведоа граѓаните да се борат за парче леб, а доколку продолжи ваквиот тренд половина од граѓаните благодарение на СДСМ ќе бидат доведени на питачки стап. Откако криминалниот картел ја води државата постојано расте сиромаштијата. Преку 500.000 граѓани живеат под прагот на сиромаштијата, а власта дополнително удира по нивниот џеб и си ги згрижува своите мајки, татковци, сестри, браќа но и фризерки со парите на граѓаните.

Власта која немаше да се задолжува, го направи токму спротивното и како резултат на нивните секојдневни задолжувања за прв пат јавниот долг надмина 5 милијарди евра и ја премина психолошката граница од 50%

Додека економиите од регионот бележат значителен раст,  македонската е убедливо последна со мизерен раст од 2,05%, а Заев лажеше дека тој ќе изнесувал меѓу 5 и 7%.

Дека СДСМ се неспособни говори и фактот што во јануари реализацијата на капиталните инвестиции изнесува срамен 1%, а извозот бележи пад од 1,9% споредено со минатата година. Да биде уште потрагично имаме пад од дури 12,6 проценти во ИТ индустријата.

Економската катастрофа која и ја приреди СДСМ на Македонија мора да запре“,соопшти ВМРО-ДПМНЕ. 


Copyright 2019 Falanga Сите права се задржани.
Текстот не смее да се печати или емитува, во целина или во делови без договор со Falanga.



Scroll To Top