ВМРО-ДПМНЕ: Владата е посветена на криминално прелевање на државните пари во џебовите на министрите

Соопштение на ВМРО-ДПМНЕ.

Единствено нешто на што е посветена Владата е криминално прелевање на државните пари во џебовите на министрите, преку компаниите и организациите на нивните соработници, велат од ВМРО-ДПМНЕ како реакција на владиното соопштение за спроведувањето на препораките од ГРЕКО.

„Видливи и за македонските граѓани и за ГРЕКО се само криминалните милионски тендери и бесрамното црпење на буџетските фондови додека судството е ставено во стега за врвот на овој криминален клан да се спасат од правдата. Лажната декларативната заложба за борбата против корупцијата е препознаена и од ГРЕКО и од граѓаните. Концептот на лажната отвореност, отчетност и транспарентност завршува со секој нов криминален скандал на оваа власт“, се наведува во партиското соопштение.

Од ВМРО-ДПМНЕ додаваат дека одговорност за криминалот и корупцијата во врвот на власта мора да има и ќе има тогаш кога Република Македонија и правосудството ќе се ослободат, како што се вели, од канџите на аболицирани и помилувани криминалци на власт.



Copyright 2017 Falanga Сите права се задржани.
Текстот не смее да се печати или емитува, во целина или во делови без договор со Falanga.




Scroll To Top