Во петок заедничка седница на владите на Македонија и Албанија

Ова е прва заедничка седница помеѓу овие две влади..

Заедничка седница на Владите на Република Македонија и на Република Албанија на 15 декември во Поградец  
Претставниците на Владите на Република Македонија и на Република Албанија,ќе ја одржат заедничката меѓувладина седница на 15 декември 2017 во Поградец, Албанија. 

На седницата ќе се разговара на повеќе теми, со цел да се унапреди заемната билатерална активност и политичкиот дијалог за зајакнување на соработката во сите сфери. 

Со оглед на меѓусебните заложби од регионалната соработка ориентирана кон Европската Унија, Берлинскиот процес, целите зацртани на Самитот на Јадранската повелба во Трст и создавањето на регионална економска зона, во фокусот на меѓувладината седница ќе биде унапредувањето на меѓусебната поврзаност и инфраструктура, олеснувањето на размената на стоки и услуги, како и зајакнување на соработката во областа на безбедноста. 

Ова е прва заедничка меѓувладина седница помеѓу владите на Република Македонија и Република Албанија.


Copyright 2017 Falanga Сите права се задржани.
Текстот не смее да се печати или емитува, во целина или во делови без договор со Falanga.




Scroll To Top