Законот за СЈО пред Влада, министрите ќе го разгледуваат и Законот за Совет на јавни обвинители

На денешната владина седница, на предлог на Министерството за правда ќе биде разгледан Предлог – законот за јавното обвинителство, како и Предлог – законот за изменување и дополнување на Законот за Советот на јавни обвинители..

Како што претходно најави премиерот, Зоран Заев, новиот предлог Закон за јавно обвинителство предвидува интегрирање на СЈО во Обвинителството за организиран криминал и корупција, што го води обвинителката Вилма Русковска. Од ВМРО-ДПМНЕ, пак, вчера најавија дека ќе бараат нов состав на Советот за јавни обвинители, кој ќе избере нов шеф на ова Обвинителство.

Од Владата информираат дека на денешната 146-та седница ќе биде разгледана Информација за започнување постапка за воспоставување на јавно приватно партнерство за реконструкција на МХЕЦ „Глажња” и МХЕЦ „Липково”.

Од таму додаваат дека на предлог на Министерството за внатрешни работи за оваа седница доаѓа Информацијата во врска со потребата од спроведување процес на проверка (ветинг) на вработените во Министерството за внатрешни работи во Република Северна Македонија.


Copyright 2019 Falanga Сите права се задржани.
Текстот не смее да се печати или емитува, во целина или во делови без договор со Falanga.



Scroll To Top