Wednesday, June 23, 2021
HomeАвстралијаАвстралија со закон определи на колкаво растојание возилата може да ги претекнуваат...

Австралија со закон определи на колкаво растојание возилата може да ги претекнуваат велосипедистите

Владите на сите сојузни држави во Австралија сега законски бараат од возачите на автомобилите да им остават простор на велосипедистите кога ги претекнуваат. Ваков закон бил во сила во повеќе држави порано, а со воведувањето во Викторија минатиот месец сега правилото важи во цела Австралија.

Дали ова навистина го менува односот на возачите на автомобили кон велосипедистите? Група истражувачи се обиделе да одговорат на ова прашање со оценување на ваквиот закон донесен во Западна Австралија во 2017 г.

Тие откриле дека по донесувањето на законот, возачите на автомобили навистина им оставаат повеќе простор на велосипедистите, иако некои возачи признале дека се агресивни кон велосипедистите на тој начин што им свират или ги пцујат. Истражувачите откриле и дека процентот на луѓе што користат велосипеди останал ист од донесувањето на законот, т.е. не се зголемил.

Законите за оставање простор при претекнување на велосипедистите се воведуваат бидејќи блиското претекнување од страна на автомобилите го зголемува ризикот за несреќи.

Претходно возачите сами проценувале за просторот што треба да го остават кога претекнуваат велосипедисти, но со законите сега тие мора да се оддалечени барем еден метар од велосипедистите при претекнување доколку возат побавно од 60 километри на час. Задолжителната дистанца е 1,5 метар за поголеми брзини.

Некои европски земји и повеќе сојузни американски држави донеле слични закони.

- Advertisment -spot_img

Популарно

- Реклама -spot_img
- Реклама - spot_img
- Реклама -spot_img
spot_img
spot_img
spot_img
spot_img
spot_img
spot_img