Friday, September 17, 2021
HomeПопуларноПандев: Треба да го смениме менталитетот и женскиот фудбал да го издигнеме...

Пандев: Треба да го смениме менталитетот и женскиот фудбал да го издигнеме на повисоко ниво

Капитенот на македонската фудбалска репрезентација, Горан Пандев, на денешната панел дискусијата „Како до родова еднаквост во фудбалот“, рече дека женскиот фудбал во земјава треба и заслужува да биде издигнат на повисоко ниво, за што е потребно да се среди инфраструктурата, но и да се добие финансиска поддршка од ФИФА и да се најдат спонзори. Покрај проблемот со лошата инфраструктура за развој на женскиот фудбал во Северна Македонија, главна причина за ваквата позиција е и менталитетот.

„Девојчињата се воспитуваат дека е срамота да играат фудбал. Јас со исто внимание го гледам женскиот фудбал како машкиот. Подеднакво ми е интересен“, вели Пандев.

Тој додава оти во Италија каде веќе долго време живее, во последните години женскиот фудбал оди во нагорна линија, а женската фудбалска лига има свои телевизиски права и редовни спонзори.

„Многу внимание се посветува на женскиот фудбал, а и во мојата менаџерска агенција има и жени фудбалерки. УЕФА во последно време многу се залага за тоа, а истото треба да го прави и Фудбалската федерација на Македонија за развој на женскиот фудбал“, рече Пандев, кој додаде дека посакува еден ден и нашата женска репрезентација да се пласира на едно Европско првенство и да се промовира на достојно ниво.

Според Ангела Рајческа, женски фудбалски судија, треба да се избориме со стереотипите, машки и женски фудбал, и да се работи на подобрување на третманот на женскиот фудбал.

„И за мажите и за жените во фудбалот важат истите правила и затоа треба да се изедначат и условите“, вели Рајческа.

Таа потенцира дека во земјава, женската фудбалска лига е деградирана, а терените на кои се игра се несоодветни, нема услови за хигиена во соблекувалните, а и финансиските надоместици за судијките, не се еднакви како со судиите од машката лига.

Рајчевска посочи пример дека ПЦР тестови не биле обезбедени за женската лига поради што не се одиграла, а имало за машката.

„Во медиумите нема ни 20 отсто покриеност за женските спортови воопшто, со објаснување од нивна страна, дека се тие неатрактивни“, вели таа.

- Advertisment -spot_img

Популарно

- Реклама -spot_img
- Реклама - spot_img
- Реклама - spot_img
- Реклама -spot_img
spot_img
spot_img
spot_img
spot_img
spot_img
spot_img