Wednesday, September 29, 2021
HomeБалканНиколов: Нема да водиме политика на конфронтација кон Македонија

Николов: Нема да водиме политика на конфронтација кон Македонија

Кандидатот за премиер на Бугарија Пламен Николов, предложен од партијата „Има таков народ“, којашто освои најмногу гласови на парламентарните избори, синоќа во гостувањето на бугарската национална телевизија БНТ, во одговор на прашањето дали ќе ја задржи досегашната позиција на Софија кон Македонија, рече дека ако формираат Влада, нема да водат политика на конфронтација.

– На никаков начин нема да ги загрижуваме своите браќа и нема да ги лишиме од можноста за нивна европска иднина на некаков насилен начин, или на начин кој се применува од други балкански држави. Но ова не значи дека нема да опстоиме на нашиот национален интерес. Како точно ќе го направиме тоа, можеби со ревизија на Договорот или со негово преразгледување. Со сигурност нема да биде насока на конфронтација, рече Николов.

Вчера бугарскиот претседател Румен Радев му го врачи мандатот за составување нова влада на Пламен Николов од политичката партија „Има таков народ“ на Слави Трифонов. Николов изјави дека ќе направи сè што е во негова можност за да формира влада во законскиот рок.

Бугарското Министерство за надворешни работи вчера изрази разочараност што во Собранието е донесена Резолуција за македонските „црвени линии“ во преговорите со Софија. Бугарското МНР наведува дека жалат што Резолуцијата е донесена во време кога, како што наведуваат, билатералниот дијалог започнал да преминува во попозитивна фаза, и изразија очекување дека Резолуцијата ќе биде објавена за да може да ја анализираат и да видат дали одговара со Договорот за пријателство што двете земји го потпишаа.

- Advertisment -spot_img

Популарно

- Реклама -spot_img
- Реклама - spot_img
- Реклама - spot_img
- Реклама -spot_img
spot_img
spot_img
spot_img
spot_img
spot_img
spot_img