Monday, March 8, 2021
Home Спорт НБА го израмни Дончиќ со Џордан… 16 часа по натпреварот

НБА го израмни Дончиќ со Џордан… 16 часа по натпреварот

Далас Маверикс ноќеска загуби од Милвоки со 109-112, а словенечкиот ас го заврши мечот бесен на своите соиграчи затоа што во последниот напад топката не отиде кај него за тој да се обиде да израмни со тројка.

Официјалната статистика од тој натпревар за него гласеше: 28 поени, 13 асистенции и 9 скока. И тоа важеше се до вечерва, односно 16 часа по завршувањето на мечот. НБА се огласи со корекција на статистиката која нема да смени ништо во конечниот резултат, но ќе значи многу за Лука Дончиќ.

На најдобриот играч на Далас му е признат уште еден скок со кој тој дојде до трипл-дабл, 28. во својата кариера. Со оваа бројка се израмни со Мајкл Џордан, на 16. место на вечната листа на играчи со остварени трипл-дабл ефекти во НБА лигата. Она што му дава предност на Дончиќ е фактот што до нив стигна за само две сезони и десетина натпревари во оваа, додека на Џордан му требаа 14 години.

Пред Дончиќ сега е Грент Хил со 29 трипл-дабл ефекти, па Бен Симонс со 30, Џон Хавличек со 31, Ражон Рондо со 32, Боб Кузи со 33 итн. Може да се очекува многу брзо Словенецот да се искачи уште неколку места, а до крајот на сезоната да влезе и во топ-10 во оваа статистичка категорија за што му се потребни уште 15 вакви натпревари.

Популарно

- Реклама -