Четворица астронаути од четири земји полетаа до Меѓународната вселенска станица (ISS) од вселенскиот центар Кенеди во Флорида со вселенско летало на SpaceX во саботата.
Тие треба да пристигнат во орбиталната лабораторија во капсула на SpaceX во недела и да ги заменат четворицата астронаути кои живеат таму од март.
На полетувањето пред зори од вселенскиот центар Кенеди, на астронаутот на НАСА, командантот на мисијата Јасмин Могбели, му се придружија колеги од Данска, Јапонија и Русија.
Могбели, по потекло од Иран, рече дека составот на нејзината екипа покажува „што може да се постигне кога се работи во хармонија“, пренесе Анадолија.
Со неа во шестмесечната мисија се Андреас Могенсен од Европската вселенска агенција, Јапонецот Сатоши Фурукава и рускиот астронаут Константин Борисов.
„За да ја истражиме вселената, мораме да го направиме тоа заедно“, рече генералниот директор на Европската вселенска агенција, Јозеф Ашбахер, неколку минути пред полетувањето.
„Истражувањето на вселената е навистина глобално, а меѓународната соработка е клучна“, додаде тој.
Астронаутите ќе поминат околу шест месеци во орбитата.
Леталото ќе патува повеќе од 24 часа до ISS, која е 420 километри над Земјата, и треба да се приклучи на станицата во недела околу 17:39 часот.
