Петмина пожарникари од ТППЕ Кочани кои учествувале во гасењето на пожарот на територијата на Чешиново Облешево, биле извлечени со полициски хеликоптер откако пламените јазици ги обколиле.

Од Министерството за внатрешни работи соопштија дека истиот полициски хеликоптер МИ-171 учествувал и во гасењето на пожарот исфрлајќи 60 тони вода, особено на кракот од пожарот кој се наближувал на селото Врбица.

Со истиот хеликоптер беа транспортирани и 11 пожарникари на највисоката точка на пожарот за негово пресекување.