Светиот синод на Антиохиската црква одлучи да го возобнови општењето со Ерусалимската патријаршија, кое претходно беше прекинато поради несогласувања за јурисдикцијата врз територијата на Катар, јавува Orthodoxnewsagency.

Одлуката на Антиохиската црква е поврзана со страдањето и смртта на палестинскиот народ од израелските ракетни напади.

„Бидејќи сегашните услови бараат зголемени молитви и поголема соработка, Светиот синод одлучи да го обнови општењето меѓу Антиохиската патријаршија и Ерусалимската патријаршија и ѝ наложи на надлежната комисија на Патријаршијата да контактира со браќата на Ерусалимската патријаршија за да се најде решение на прашањето за црковниот спор околу јурисдикцијата врз „Катар“, на начин што ќе го зачува правото на црковна јурисдикција во прилог Антиохиската столица“, се вели во соопштението на Синодот.

Расколот започна поради спорот околу надлежноста врз досега непостоечките епархии во Катар.