Според властите, едно лице загинало во нападот во источните и централните делови на земјата.

„Според прелиминарните податоци, лансирани се 19 крстосувачки ракети X-101 и X-155, од кои 14 се уништени“, изјави портпаролот на украинското воздухопловство.

Во нападот едно лице загина во областа Днепропетровск, а четворица се повредени, објави регионален гувернер преку апликацијата „Телеграм“.

Украинските сили продолжуваат со напредувањето кон Мелитопол и Бахмут, додека ги држат своите позиции во други правци, пренесува Укринформ, повикувајќи се на портпаролот на вооружените сили на украинскиот Генералштаб Андриј Ковалев.

– Во двата правци непријателските сили претрпеа загуби во жива сила и воена опрема, нагласи портпаролот.

Осум напади во регионот Запорожје и 24 напади во четири правци во регионот Доњецк беа одбиени, додаде тој. Во правец на Авдеевка, украинските сили продолжуваат да ги задржат московските сили, кои и натаму да се обидуваат да ја опколат населбата. Одбиени 30 непријателски напади.

Уште 14 напади биле одбиени во областите Маринка и Новомихаиловка.

Од 24 февруари 2022 година до 8 декември 2023 година, украинските одбранбени сили елиминирале околу 337.220 руски напаѓачи, вклучително и 990 во последните 24 часа, пренесува Укринформ.