Повеќе од десетици илјади луѓе протестираа денеска во центарот на Будимпешта против владата на Виктор Орбан, а нив ги предводеше адвокатот Петер Маѓар, кој претходно беше близок со владата, но од неодамна започна политичко движење против Орбан.

Унгарецот е поранешен сопруг на Јудит Варга, поранешната министерка за правда на Орбан, и планира да формира своја партија.

Демонстрантите маршираа до Парламентот и извикуваа: „Не се плашиме!“ и „Орбан, оставка!“.

Многу од нив ги носеа националните бои црвена, бела и зелена или државното знаме.

Маѓар доби широк публицитет во февруари откако направи шокантни откритија за внатрешните работи на владата. Тој го обвини шефот на кабинетот на Орбан, Антал Роган, дека водел централизирана пропагандна машина.