Северна Кореја истрела околу 10 балистички ракети со краток дострел, соопшти во четвртокот јужнокорејската војска.

„Нашата војска го зголеми надзорот и будноста и тесно споделува информации поврзани со севернокорејските балистички ракети со американските и јапонските власти“, објави јужнокорејската војска.

Северна Кореја во средата беше обвинета дека испратила стотици балони со отпад и измет преку границата со Јужна Кореја. Во понеделникот, Северна Кореја објави неуспешен обид да лансира сателит во вселената.

Резолуциите на ОН и забрануваат на земјата да лансира, па дури и да тестира балистички ракети од кој било дострел.