Tuesday, January 26, 2021
Home Технологија Смена на гигантите: Xiaomi го престигна Apple

Смена на гигантите: Xiaomi го престигна Apple

Кинеската компанија Xiaomi стана третиот најголем продавач на смартфони во светот во кварталот јули-септември, потиснувајќи го американскиот технолошки гигант Apple од таа позиција.

Така, за прв пат во последните 10 години, компанијата од Купертино отпадна од друштвото на водечката глобална тројка во производството и продажбата на смартфони.

Сите три први места според производството и продажбата на паметни телефони во светот сега ги имаат компании од Азија, според извештаите на трите главни провајдери на податоци од тој пазар.

Според извештајот на Counterpoint, Xiaomi забележа скок од 46% во испораките во наведениот квартал, а Apple пад од 7% во споредба со 2019 година.

Во извештајот на Kanalisa, пак, се наведува дека Apple ја намали продажбата за само 1%, а Xiaomi ја зголеми за 45% во споредба со истиот период минатата година, додека IDC соопшти дека испораките на Apple паднале за повеќе од 10%, додека на Xiaomi се зголемиле за 42%.

Пресвртницата за Xiaomi доаѓа во ситуација кога глобалната индустрија за смартфони забележа пад од 4% во третиот квартал, бидејќи многу клиенти се воздржаа од купување нов телефон додека го чекаа првиот 5G iPhone.

Xiaomi „профитираше“ и од проблемите со кои се соочува нејзиниот најголем домашен ривал, Huawei, кој беше потресен на странскиот пазар од американските санкции. Јужнокорејскиот Samsung се врати на првото место според продажбата на телефони во третиот квартал, престигнувајќи го Huawei, кој ја помина таа позиција во вториот квартал.

Според IDC, Samsung продал 80,4 милиони телефони во преиодот јули-септември, Huawei 51,9 милиони, Xiaomi 46,5 милиони и Apple 41,6 милиони.

Популарно