Координаторот на пратеничката група на СДСМ, Јован Митрески вели дека ќе остави пратениците од опозициската ВМРО-ДПМНЕ да одлучат на која комисија сакаат и кога сакаат да биде разгледуван Договорот со Бехтел и Енка, кој во последните денови остави многу сомнежи во јавноста за неговата содржина.

„Нашиот став на координација е пратениците на ВМРО ДПМНЕ да одлучат каде сакаат, односно на која комисија сакаат и кога сакаат да се разгледува договорот. Се надевам дека ќе одлучат тоа да биде побрзо за да прекинат сите шпекулации за најголемиот инфраструктурен проект од национален интерес за државата“, рече Јован Митрески.