Wednesday, June 23, 2021
HomeБалканВо предвечерието на самитот за Западен Балкан - Македонија и Бугарија се...

Во предвечерието на самитот за Западен Балкан – Македонија и Бугарија се уште без договор

Малку време за решение, умерен оптимизам и внимателни најави за можен договор за билатералните прашања. Нема отстранување на ветото доколку не се реши спорот во краткиот рок кој остана, нагласи шефицата на бугарската дипломатија, по онлајн средбата со македонскиот и со германскиот колега во рамките на Берлинскиот процес.

Регионалната иницијатива е нова можност за изнаоѓање договор меѓу Македонија и Бугарија, кој мора да биде најден во рамките на европските вредности, вели Османи.

Нашите услови не се сменети со години, прецизира бугарската министерка. Уште еднаш обвини за говор на омраза кон Бугарија и за заобиколување на договорот од македонска страна.

Спремни сме да го сносиме товарот на ветото и евентуалното зајакнување на странските влијание во регионот.

“Да, спремни сме да ги сносиме последиците, но и Македонија треба да сноси одговорност…”

На онлајн средбата министрите беа придружувани од првиот човек на германската дипломатија, кој истакна дека решението мора да го најдат засегнатите страни

Во меѓувреме, кај европските дипломати се повеќе се јавува фрустрација од бугарскиот пристап, пишува европски “Политико”. Бугарија не отстапува, со што се задржува мошне важната агенда на ЕУ за проширување со целосно внатрешен проблем, пишува реномираниот медиум.

“Бугарската тактика на изживување можеби е ефикасна за постигнување резултати во подземјето во Софија, но е крајно неприфатлива на ниво на ЕУ”, изјавил европски дипломат за „Политико“.

Во написот се наведува дека доколку Бугарија, изолирана како што е досега, продолжи со својот  бекомпромисен став, ќе ја загуби добрата волја која ја ужива меѓу земјите-членки.

Лидерите на земјите од Западен Балкан утре во рамките на Берлинскиот процес ќе одлучуваат за воспоставување на заеднички регионален пазар, како и за носењето на зелената агенда за Западен Балкан, како две клучни регионални иницијативи.

 

- Advertisment -spot_img

Популарно

- Реклама -spot_img
- Реклама - spot_img
- Реклама -spot_img
spot_img
spot_img
spot_img
spot_img
spot_img
spot_img