Thursday, May 13, 2021
HomeUncategorizedЛукашенко е спремен да се откаже од 80 отсто од надлежностите

Лукашенко е спремен да се откаже од 80 отсто од надлежностите

Претседателот на Белорусија Александар Лукашенко соопшти дека 70-80 отсто од надлежностите на претседателот можат да им се предадат на парламентот, владата и други структури.

„Народот, општеството, сака промени и тие се фатија за претседателот и неговите надлежности. Излез од тоа се промени на уставот“, кажа Лукашенко.

„Неодамна се сложив со раководството на парламентот за пренесување 70-80 отсто од надлежностите на претседателот на парламентот, владата и други структури, не е потребно да се менува целиот устав“, додаде тој.

Белорускиот претседател предложи нов механизам на работа, при кој владата ќе ги пишува законите, парламентот ќе ги разгледува и донесува, а потоа ќе му ги поднесува на претседателот на потпис.

„Затоа кажав дека сум спремен да ве слушам, но вие ќе ја донесете одлуката“, кажа Лукашенко.

Масовните протести на опозицијата почнаа во Белорусија на 9 август, по претседателските избори на кои победата ја однесе Лукашенко со 80 отсто од гласовите. Опозицијата не ги призна резултатите на изборите и смета дека победила Светлана Тихановскаја.

- Advertisment -spot_img

Популарно

- Реклама -spot_img
- Реклама -spot_img
- Реклама - spot_img
- Реклама -spot_img