„Загубени се два Ми-8, еден Су-34 и еден Су-25. Трагедија“, објави рускиот пропагандист Андреј Руденко. „Тие беа погодени во близина на границата на Руската Федерација, најверојатно со ракети воздух-воздух“, рече тој. Причината за соборувањето не може да се потврди.

Руските власти потврдија само едно соборување на авион, хеликоптер Ми-8 во близина на селото Клинци во областа Брјанск, и не ја наведоа причината за падот. Рускиот медиум „Радовка“ објави дека авионот бил соборен од регионот Чернихив во северна Украина.

Се чини дека бројните видеа објавени на социјалните мрежи покажуваат запалени остатоци од авион Су и хеликоптер Ми. Политико не можеше самостојно да ги потврди видеата.

Киев не презеде одговорност за соборувањето на ниту еден од хеликоптерите или авионите.

Рускиот медиум „Маш“ објави дека Москва започнала потрага по „саботери“ во врска со соборувањето на авионот. „Според нашите информации, властите бараат саботери кои може да бидат вклучени во нападот на Ми-8 и Су-34“, рече Маш.

Еден цивил е ранет, а пет станбени згради се оштетени како последица на еден од хеликоптерските падови.

Портпаролот на украинските сили за воздушна одбрана Јуриј Игнат одби да ги потврди или негира информациите за соборувањето на авионот. „Се разбира, нема да ви кажам ништо“, изјави Игнат за Политико.

Руската медиумска веб-страница „Комерстант“ објави дека сите четири летала кои се урнаа во саботата биле дел од групата која се движела да го бомбардира регионот Чернихив во северна Украина.