Турција има „посебен“ и добар однос со рускиот претседател Владимир Путин и покрај зголемениот притисок врз Анкара да помогне во заострувањето на западните санкции против Москва, изјави турскиот претседател Реџеп Таип Ердоган во ексклузивно интервју пред вториот круг од претседателските избори следната недела.

„Не сме во ситуација да воведеме санкции кон Русија како што тоа го направи Западот. Не сме обврзани со западните санкции“, рече Ердоган за CNN. „Ние сме силна земја и имаме позитивен однос со Русија. Русија и Турција си требаат една на друга на сите можни полиња“, додаде тој.

Многумина сметаат дека Ердоган е фаворит во претседателската трка во Турција која оди во вториот круг на гласање на 28 мај. Тој и неговиот главен ривал, Кемал Киличдароглу, се разидоа по бројни надворешнополитички прашања, вклучително и дипломатијата со Западот и Русија.