Според Австралиските медиуми најстарата Македонка која живее во Австралија е Љубица Бакреска родена на 7 Октомври 1923 во село Велгошти Охрид, Македонија, а мажена е во село Лескоец.

Таа денес во просториите на Македонскиот културен центар Илинден и во присутсво на својата фамилија го прослави својот 100 роденен.

По тој повод Љубица доби поздравни телеграми од Кралот Чарлс, Премиерот на Австралија Антони Албанезе, Генералниот Гувернер на Австралија Давид Хурлеј, Премиерот на сојузната дрзава Западна Австралија Роџер Кук а од името на Македонската амбасадорка во Австралија Биљана Стефановска-Сековска поздравната телеграма ја прочиита почесниот Македонски конзул Зоран Ќосески.

Љубица има 2 сина и една ќерка, 5 внуци, 10 пра внуци и 6 пра пра внуци.

На прашањето во што е тајната на долг живот таа мирно одговори редовно пеење и добро шетање во природа.