Пливачи на плажата Лејтон, во близина на Перт, Австралија, опасно се приближиле и допреле кит кој пливал веднаш до брегот.
На видеото се гледа како китот се упатува кон плитките води, што го привлече вниманието на капачите, а потоа се сврте и тргна кон отворено море.
Морскиот биолог д-р Натали Синклер изјави за Би-Би-Си дека цицачот е во голема опасност да се насука на брегот, но нагласи дека ова однесување е „невообичаено и опасно“.
Таа, исто така, предупреди дека луѓето што пливаат толку блиску до кит може да го дезориентираат животното и дека е најдобро во такви ситуации „да го оставиме китот на мира“ и да ги препуштиме сите обиди за спасување на професионалци.
-Близината на капачите до китот претставува ризик, не само за животното, туку и за нив самите – додаде таа.
Станува збор за грбав кит, кој може да достигне тежина од 45 тони и да порасне до 16 метри.
